Ադրբեջանական Turan լրատվական գործակալության փոխանցմամբ՝ ՄԻԵԴ-ը կայացրել է Ադրբեջանի Ժողովրդական ճակատ կուսակցության առաջնորդի ներկայացրած բողոքի գործով իր որոշումը։ Բողոքն առնչվել է Ադրբեջանի իշխանությունների կողմից Քերիմլիին նոր անձնագիր տրամադրելուն։
Քերիմլին 2006 թվականին դիմել էր նոր փաստաթուղթ ստանալու հարցով, սակայն մերժում էր ստացել՝ իբրև թե իր դեմ հարուցված քրեական գործի պատճառով։ Տվյալ քրեական գործը հարուցվել էր 1994 թվականին և փակվել 1995-ին, ինչի համար էլ այդ հարցում քրեական հետապնդմամբ պատճառաբանելը կեղծիք է։
Քերիմլին բազմիցս դիմել է դատախազություն ու դատարաններ, սակայն արդյունքի չի հասել։ Դրանից հետո նա դիմել էր ՄԻԵԴ՝ ընդգծելով, որ սահմանափակել են ազատ տեղաշարժի իր իրավունքը։ ՄԻԵԴ-ի որոշման համաձայն՝ Քերիմլին պետք է ստանա 5000 եվրոյի փոխհատուցում ու ևս 3600 եվրո՝ դատական ծախսերի համար։
