Անցած կիրակի օրը պապարացիները Քիմ Քարդաշյանին և Քանյե Ուեսթին ու նրանց դստերը՝ Նորթին, տեսել են Կալաբասասի փողոցներից մեկում՝ նրանք վերադառնալիս են եղել կինոթատրոնից: Նորթը մոր գրկում պոպկորն ուտելիս է եղել, հայտնում է 7days.ru-ն:
Լուսանկարիչների ուշադրությունը գրավել է Քիմի 4500 դոլար արժողությամբ դարչնագույն վերարկուն Lanvin-ից, որի վրա նրա աղջնակը մաքրել է ձեռքերը: Չնայած իր թանկարժեք հագուստի վրայի ակնհայտ բծերին՝ Քիմը դստերը չի իջեցրել գրկից, շարունակել է խոսել նրա հետ ու ծիծաղել:
Ի դեպ, վերջերս Քանյե Ուեսթը խոստովանել է, որ իր աշխատանքային գրաֆիկն ամբողջովին հարմարեցված է դստեր համար: Բրիտանական Q ամսագրին տված հարցազրույցում նա պատմել է, որ իր ամբողջ կյանքը հիմա կենտրոնացած է դստեր շուրջ:
