«Կա քաղաքացիական ըմբոստություն, քաղաքացիական պահանջ և կա քաղաքացիական պայքար։ Հաջողությունը կախված է մեկ բանից՝ քաղաքացիները որքան համառ կգտնվեն իրենց պայքարում, իսկ կարծեք թե համառության նվազում չկա, հակառակը՝ ակտիվացում կա։ Մենք տեսնում ենք, որ քաղաքացիների քանակը հնգապատկվեց երեկ լուսադեմին տեղի ուենցած բռնություններից հետո»,-ասաց Ժառանգություն կուսակցության վարչության փոխնախագահ Արմեն Մարտիրոսյանը։
Նա նշեց, որ հաջողությունը պայմանավորված է նաև իշխանությունների ճկունության մակարդակից, զիջելու կարողությունից, քանի որ տնտեսական առումով բոլորը ապացուցեցին, որ այդ թանկացումը որևէ ձևով հիմնավորված չէ, դրա համար եթե իշխանությունը փոքր ինչ հանրային շահի շրջանակում գործեն, պահանջները պետք է բավարարվեն։
