Իսպանիայի ոստիկանությունը արքայախնձորների մեջ 200 կգ կոկաին է հայտնաբերել: Այս մասին գրում է Korrespondent.net-ը` վկայակոչելով երկրի ներքին գործերի նախարարությանը:
Կոկաինով մրգերը հայտնաբերվել են տասնյակ տրանսպորտային տարաներում, որոնք նավերով Կենտրոնական Ամերիկայից ժամանել են Ալխեսիրաս քաղաքի հարավային նավահանգիստ:
«Տարաների ներսում թարմ արքայախնձորների շարքում ոստիկաններն առանց միջուկի մրգեր են նկատել, որի փոխարեն թմրանյութեր են եղել: Վերևից արքայախնձորները պատած են եղել դեղին մեղրամոմով»,- ասվում է հաղորդագրությունում:
Հետաքննության շրջանակներում իրավապահները 3 մարդու են ձերբակալել, բացառված չեն նաև հետագա ձերբակալությունները:
Նշվում է, որ նավն ապրանք պետք է հասցներ երկու ընկերությունների՝ Մադրիդի և Բարսելոնի մերձակայքում գտնվող Սան-Կիրսե-դել Վալյեսե: Երկու ընկերություններն էլ ղեկավարում են ծագումով Կոլումբիայից Իսպանիայի քաղաքացիներ:
