Իրանի ԱԳՆ-ն երկրի նախկին նախագահ Մահմուդ Ահմադինեժադին զգուշացրել է, որ նա կարող է օրենքի առաջ պատասխան տալ երկրի ԱԳՆ ղեկավար Մոհամմադ Ջավադ Զարիֆի հասցեին իր մեղադրանքների համար: Այս մասին ասվում է Իրանի ԱԳՆ կայքում տեղադրված հայտարարության մեջ:
Հաղորդագրության մեջ նշվում է, որ ԱԳՆ հասարակության հետ կապերի հարցերով բաժինն իր վրդովմունքն է հայտնում Զարիֆի մեղադրանքների վերաբերյալ, որը, նախկին նախագահի գրասենյակի հայտարարությամբ, «բացարձակ սուտ է տարածում» և հայտարարում է, որ Ահմադինեժադի դեմ զրպարտության համար կարող է դատական հայց ներկայացվել:
Ավելի վաղ Ահմադինեժադի գրասենյակը հայտարարություն է տարածել, որում հերքել է Իրանի ԱԳՆ ղեկավարի խոսքերը, որ նախկին նախագահի վարչակազմը ԱԷՄԳ-ին թույլատրել է իրանցի միջուկային գիտնականների հարցաքննություն կատարել:
Զարիֆը նախօրեին հայտարարել է, որ ԱԷՄԳ-ի ներկայացուցիչների կողմից իրանցի միջուկային գիտնականների հարցաքննությունը թույլատրել է Ահմադինեժադի վարչակազմը:
Նրա խոսքով՝ Ահմադինեժադի նախագահության շրջանում ԱԷՄԳ-ի տեսուչները, բացի իրանցի միջուկային գիտնականների հարցաքննությունից, նույնիսկ այցելել են երկրի որոշ օբյեկտներ:
Ահմադինեժադի գրասենյակը Զարիֆի խոսքերը «բացարձակ սուտ» է համարել:
