Իսպանիայի ձիթենու պլանտացիաներին, իտալական պլանտացիաներից հետո, սպառնում է վիրուս, որը բուսաբանները արդեն կնքել են «Ձիթապտղի Էբոլա» անվանումով:
Օվկիանոսից եկած բակտերիան առաջին անգամ հայտնաբերվել է Իտալիայի հարավում դեռ 2013-ին: Ներկայում հիվանդությունը սպառնում է ամբողջությամբ ոչնչացնել Իսպանիաի բերքը, որը Եվրոպայում ձիթայուղի ամենախոշոր մատակարարն է:
Այն բանից հետո, երբ 2013-ին ամերիկյան Xylella fastidiosa բակտերիան հայտնվեց Եվրոպական մայրցամաքի տարածքում, արդեն հասցրեց զգալիորեն կրճատել Իտալիայի՝ ձիթենու աճեցման և արտադրության եկամուտները:
Ինչպես գրում է The Independent-ը, գյուղատնտեսության ոլորտի մասնագետները արդեն հասցրել են շտամը համեմատել Էբոլա վիրուսի հետ:
Միկրոբներով ախտահարումը հանգեցնում է նրան, որ ծառը չորանում է: Քանի որ աշխարհում չկա դեղամիջոց, որը օգներ բուժել այդ հիվանդությունից, ձիթենու բազմադարյա պլանտացիաները ստիպված են լինում կտրել՝ վարակը կանգնեցնելու համար:
