Սիրիական ընդդիմության ներկայացուցիչների մեծ մասը ամփոփիչ փաստաթուղթ են ստորագրել Աստանայում տեղի ունեցած բանակցությունների արդյունքներով: Այս մասին RIA Novosti-ին հայտնել է Հյուսիսային և Հարավային Ամերիկայում հանուն բազմակարծիք հասարակության շարժման ներկայացուցիչ Բասամ Բիտարը:
«Սիրիական ընդդիմության խմբերի ներկայացուցիչների ճնշող մեծամասնությունը բանակցությունների արդյունքներով ամփոփիչ փաստաթուղթ են ստորագրել»,- ասել է Բիտարը:
Նա չի նշել, թե մասնավորապես ո՞ր ընդդիմադիր խմբերը չեն ստորագրել փաստաթուղթը, ինչպես նաև առաջացած հակասությունների պատճառները:
Երկուշաբթի օրն Աստանայում սկսվել են սիրիական ընդդիմության տարբեր խմբերի բանակցությունները, որոնց մասնակցել են Սիրիայի տարբեր ընդդիմադիր ուժերի ղեկավարներ ու ներկայացուցիչներ, ինչպես նաև քաղաքացիական հասարակության ներկայացուցիչներ և անկախ ընդդիմադիրներ: Կառավարական պատվիրակները խորհրդակցություններին չեն մասնակցել:
