Այսօր առաջին ուղևորներին է ընդունել Թուրքիայում առաջին՝ երկրի հյուսիս-արևելքում՝ Սև ծովի ափամերձ տարածքում գտնվող արհեստական կղզու վրա կառուցված Օրդու-Գիրեսուն օդանավակայանը: 136 ուղևորով առաջին ինքնաթիռը նոր օդանավակայան է ժամանել Ստամբուլից, հայտնում է Anadolu գործակալությունը:
Այսօր տեղի կունենա օդանավակայանի բացման հանդիսավոր արարողությունը՝ Թուրքիայի նախագահ Ռեջեփ Թայիփ Էրդողանի և վարչապետ Ահմեդ Դավութօղլուի մասնակցությամբ:
Օրդու-Գիրեսուն օդանավակայանը 52-րդն է Թուրքիայում: Դրա շինարարությունն արժեցել է մոտ 133 մլն դոլար: Սև ծովում 1,8 մլն քմ տարածքով արհեստական կղու ստեղծման համար օգտագործվել է մոտ 35 մլն տոննա ապար: Ծովի ալիքներից պաշտպանվելու համար ինովացիոն տեխնոլոգիաներ են կիրառվել:
