Կուբայի պետխորհրդի նախագահ Ռաուլ Կաստրոն հանդիպել է Հռոմի պապ Ֆրանցիսկոսի հետ` իր պաշտոնավարման ընթացքում առաջին անգամ Վատիկան այցելելով, գրում է Vesti.ru-ն: Քահանայապետի հետ հանդիպումից հետո նա հանդիպել է Իտալիայի վարչապետ Մատեո Ռենցիի հետ: Համատեղ մամլո ասուլիսի ժամանակ Կաստորն շնորհակալություն է հայտնել Ֆրանցիսկոսին` ԱՄՆ-ի հետ հարաբերությունների վերականգնման հարցում նրա դերի համար, ինչպես նաև անսպասելի հայտարարություն է արել կրոնի նկատմամբ իր վերաբերմունքի մասին:
«Ֆրանցիսկոս պապը ճիզվիտ է, և ես ևս: Ես արդեն ասել եմ իմ խորհրդականներին, որ կարդացել եմ պապի բոլոր ճառերը: Եվ ես ասել եմ վարչապետին, որ եթե պապը շարունակի նման կերպ խոսել, վաղ թե ուշ ես կրկին կսկսեմ աղոթել և կաթոլիկ եկեղեցի կվերադառնամ: Եվ ես դա կատակով չեմ ասում` ես Կուբայի Կոմունիստական կուսակցության կոմունիստ եմ»,- ասել է Ռաուլ Կաստրոն:
