Եգիպտոսում արգելված և ահաբեկչական ճանաչված «Մուսուլման եղբայրներ» կազմակերպության մոտ 50 կողմնակիցներ դատարանի կողմից մահապատժի և ցմահ ազատազրկման են դատապարտված: Այս մասին գրում է TASS-ը:
Նրանք դատապարտվել են Կահիրեից հյուսիս գտնվող Դաքահլիա գավառում անկարգություններին, բռնությանը և գրոհներին մասնակցելու համար «հունիսի 30-ի հեղափոխության ժամանակ», որը 2013-ին հանգեցրեց իսլամիստների տապալմանը: Մեղադրյալներից շատերը նաև մեղադրվել են ահաբեկչական միջուկների ստեղծման և կանխամտածված սպանության մեջ, մյուսները հետախուզվում են:
Այսպես՝ պատժի բարձրագույն միջոց է նշանակված դատապարտյալներից մեկին, իսկ ևս 47-ը ճաղերի հետևում կհայտնվեն ցմահ ժամկետով: 21 ակտիվիստ 3-15 տարվա ազատազրկման է դատապարտվել, 4-ն արդարացվել է:
