Կանադայի Մոնրեալ քաղաքի թուրքական համայնքի կենտրոնի պատին վերջին 1 ամսում արդեն երկրորդ անգամ են գրառումներ փակցվում։ Այս մասին հայտնում է Montreal Gazette-ը՝ նշելով, որ գրառումներն իրենց բովանդակությամբ պահանջում են Հայոց ցեղասպանության ճանաչում և Ցեղասպանության համար պատասխանատվության ստանձնում։ Վերջին անգամ այդպիսի գրառումներ փակցվել են կիրակի. այդ օրը 9 գրառում է նկատվել։
Տեսահսկման խցիկների տեսագրություններում երկու տղամարդ են երևում՝ կենտրոնի պատերին կիրակի առավոտյան պաստառներ փակցնելիս։ Դրանց բովանդակությունը հետևյալն է. «Երբե՛ք չի մոռացվի։ Ներում չկա։ Արդարություն և փոխհատուցում հայ ժողովրդին»։
Տեղի ոստիկանությունը փաստի առթիվ հետաքննություն է իրականացնում։
