Ամերիկյան Տեխաս նահանգի 20-ամյա բնակչուհին որոշել է եղունգների լաքը հանել այրվող մոմի մոտ: Էթանոլ պարունակող հեղուկն արագորեն ձգել է կրակը, աղջիկն այրվել է իրանից մինչև պարանոց: Նրա ձայնին արձագանքել են հարևանները, շտապօգնությունը նրան հիվանդանոց է հասցրել: Հիվանդանոցում նրան ախտորոշել են մարմնի 50% այրվածք: Եթե օգնությունը ժամանակին չստացվեր, նրա վերքերը կարող էին անհամատեղելի լինել կյանքի հետ՝ հայտնում է direct-press.ru-ն:
«Նա բղավում էր՝ ես այրվում եմ, ես այրվում եմ, օգնեք,- պատմում է տուժածի հարևանը:- Այդ պատճառով ես վերցրի բաճկոնս ու սկսեցի կրակը մարել: Ես նրա վրա գոռացի՝ ընկիր գետնին ու սկսիր շարժվել, նա լսեց իմ խորհուրդը: Կարճ ժամանակում հաջողվեց կրակը մարել, բայց նա ահավոր էր այրվում, դա ընդմիշտ կմնա իմ հիշողության մեջ»:
Եղունգների լաքը հանելու հեղուկում էթանոլ է պարունակվում, որը դյուրավառ նյութ է: Այդ պատճառով խորհուրդ է տրվում լաքը հեռացնել բաց կրակից հնարավորինս հեռու և լավ օդափոխվող տարածքում: Եթե դա արվում է փակ սենյակում, օդում կարող է էթանոլ կուտակվել, ինչը կարող է հրդեհի պատճառ դառնալ:
