ԱՄՆ Ջորջիա նահանգի Ատլանտա քաղաքի Էմորիի համալսարանի գիտնականներն առաջին անգամ Էբոլա վիրուսի առկայությունը արձանագրել են մարդու ներաչքային հեղուկում, որն ամբողջությամբ բուժվել էր այդ հիվանդությունից: Այս մասին հայտարարել են բժշկական կենտրոնի պաշտոնական ներկայացուցիչները՝ գրում է Korrespondent.net-ը:
Նրանց հաղորդմամբ՝ Առողջապահության համաշխարհային կազմակերպության (ԱՀԿ) գծով Սյերա Լեոնայում աշխատող բժիշկ Յան Կրոզյեի մոտ Էբոլան արձանագրվել է անցյալ տարվա սեպտեմբերին: Մասնագետներին հաջողվել է բուժել նրան: Սակայն բուժումից երկու ամիս անց ամերիկացին սկսել է բողոքել աչքերից մեկի բորբոքումից և բարձր ճնշումից: Անալիզները ցույց են տվել, որ նրա ներաչքային հեղուկում առկա է Էբոլա վիրուս:
Նշվում է, որ Կրոզյեից մարդիկ այլևս չեն կարող վարակվել: Նրա արցունքներում և աչքերի շուրջ հյուսվածքներում վիրուս չկա: Սակայն նրա ներաչքային հեղուկում առկա վիրուսը կարող է առաջացնել տեսողության հետ կապված լուրջ խնդիրներ:
