Վալերի Մելաձեն wday.ru պարբերականին պատմել է, թե ինչու է հանրությունից թաքցնում որդուն՝ Լուկային, քանի որ փոքրիկ երեխաները պետք է պաշտպանված լինեն օտար մարդկանց ուշադրությունից, հաղորդում է glamurchik.tochka.net-ը:
«Այդ տարիքում երեխան դեռ պաշտպանված չէ ո՛չ լավից, ո՛չ էլ վատից: Դա սնապաշտություն չէ: Ես կարծում եմ, որ քանի դեռ մարդը չափահաս չի դարձել և ոտքի չի կանգնել, իր կարծիքը չունի, հարկավոր չէ նրանց մարդկանց ցուցադրել: Ես դեմ եմ մանկական մրցույթներին, երբ երեխան բեմ է բարձրանում վաղ հասակում: Այո, դպրոցի, ցերեկույթների շրջանակներում կարելի է, սակայն անծանոթ հանրության առջև… Ինձ թվում է՝ դա ավելորդ է: Երեխան երեխա է մնում: Նա պետք է ծնողների պաշտպանության տակ լինի, ծանոթների սահմանափակ շրջանակում: Մեր աշխարհը, ցավոք, չի կատարելագործվում, այլ ավելի կոպիտ է դառնում»,- հայտարարել է Մելաձեն:
Հիշեցնենք, որ Վալերի Մելաձեն հինգ երեխաների հայր է:
