«Մենք շատ հարցեր կարող ենք քննարկել թուրքերի հետ, բացի նրանից՝ եղե՞լ է, թե՞ չի եղել Ցեղասպանությունը: Հիմա այդ հարցը վերջնականապես դուրս եկավ ասպարեզից»,- ասաց Ժողովրդավարության և համագործակցության ինստիտուտի նյույորքյան ներկայացուցչության ղեկավար, քաղաքագետ Անդրանիկ Միհրանյանը:
Նա ցավով նշեց, որ այս տարի, ինչպես միշտ, ամերիկյան հայկական համայնքը անզոր գտնվեց, որպեսզի ամերիկյան մասնակցությունը ավելի երևացող լինի:
«Շատ ափսոս, որ ԱՄՆ-ի Նախագահի քաջությունը և իմաստնությունը այնքան չհերիքեց, որ ոչ միայն նա չեկավ, այլ չեկավ նաև փոխնախագահը»,-նշեց Անդրանիկ Միհրանյանը՝ հավելելով, որ եթե նրանց ցավը Թուրքիային չնեղացնել է եղել, ապա այդ իմաստով, ըստ Անդրանիկ Միհրանյանի, Ռուսաստանի Նախագահը շատ ավելի մեծ խնդիրներ ուներ:
Քաղաքագետի խոսքով, Ռուսաստանը և Թուրքիան շատ լավ հարաբերությունների մեջ են, բայց Վլադիմիր Պուտինի իմաստությունն ավելի մեծ է եղել և նա որոշել է հայ ժողովրդի ողբերգությունը կիսել ռուսների հետ:
