Փետրվարի 15-ին, Երևանի ժամանցային կենտրոններից մեկում տեղի է ունեցել մրցանակաբաշխություն՝ Կոնվերս Բանկի «Կոնվերս Գոլ» ակցիայի շրջանակներում:
Ամենաշատ «գոլեր» հաջողվել է հավաքել Կոնվերս Բանկի ակտիվ քարտապան Արման Միրզոյանին, ով ստացավ գլխավոր մրցանակը՝ երկու անձի համար նախատեսված եռօրյա ուղևորություն դեպի Մադրիդ և հնարավորություն դիտելու էլ-կլասիկոն՝ «Ռեալ Մադրիդ -Բարսելոնա» ֆուտբոլային խաղը՝ 2013թ. մարտի 2-ին: Երկրորդ և երրորդ տեղերը զբաղեցրած քարտապանները ստացան հեռուստացույցներ, իսկ մյուս 50 ակտիվ քարտապանները՝ սիրելի ֆուտբոլային ակումբների լոգոտիպերով գնդակներ և վզկապներ:
Միջոցառումն ընթացել է սպորտային անմիջական միջավայրում: Մասնակիցները հնարավորություն ստացան անվճար օգտվելու ժամանցային կենտրոնի խաղային հնարավորություններից:
Հիշեցնենք, որ ակցիային մասնակցելու համար անհրաժեշտ էր պարզապես ցանկացած գնման դիմաց վճարել Կոնվերս բանկի VISA քարտով և յուրաքանչյուր 1000 դրամը գերազանցող գործարքի դիմաց վաստակել 1 «գոլ»:
Նշենք, որ դեռևս շարունակվում է Մաստեր Վոյաժ ակցիան՝ նախատեսված Կոնվերս Բանկի Մաստերքարտ և Մաեստրո քարտապանների համար: Այս ակցիայի հաղթողներին սպասվում է ուղևորություն դեպի Թաիլանդ: Կոնվերս Բանկի քարտերը նաև մասնակցում են «Կոնվերս Միավորներ» ծրագրին, երբ անկանխիկ գործարքներից կուտակվում են բոնուսային միավորներ, որոնք հետագայում ենթակա են փոխանակման տարատեսակ նվերների հետ:
Միևնույն ժամանակ Կոնվերս Բանկի քարտերը հնարավորություն են տալիս օգտվելու զեղչերից՝ տարբեր առևտրի և սպասարկման կետերում:
