Մեծ Բրիտանիա փախած Լիբիայի արտաքին գործերի նախարար Մուա Քուսան մեկնում է Քաթարի մայրաքաղաք Դոհա` հանդիպելու Լիբիայից այնտեղ ժամանած ընդդիմադիրների հետ:
Այս մասին հաղորդում է Reuters գործակալությունը` հղում կատարելով Մեծ Բրիտանիայի արտաքին գործերի նախարարությանը:
Սակայն հաղորդագրության մեջ չի ասվում, թե հատկապես ում հետ պետք է հանդիպի Քուսան. «Նա ազատ մարդ է, կարող է ճամփորդել` ուր ուզում է և անել այն, ինչ անհրաժեշտ է: Մեզ միայն հայտնի է, որ այսօր նա մեկնում է Քաթարի մայրաքաղաք Դոհա, որպեսզի հանդիպի տեղի պաշտոնյաներին, ինչպես նաև Լիբիայի որոշ ներկացուցիչներին», ասված է Բրիտանիայի արտգործնախարարության ներկայացուցչի հայտարարության մեջ:
Հիշեցնենք, որ Լիբիայում բախումներ սկսվելուց հետո այդ երկրի արտաքին գործերի նախարարը տեղափոխվել էր նախ Թունիս, ապա Մեծ Բրիտանիա` հայտարարելով, որ այլևս չի աջակցում Քադաֆիին և հրաժարական է տալիս իր պաշտոնից:
