Անցած տարվա ընթացքում ՀՀ-ում գործել են 14,163 խանութներ, որոնցից 13,095-ը՝ գերփոքր (աշխատողները մինչև 5 մարդ), 759-ը՝ փոքր (6-15 մարդ), 164-ը՝ միջին (16-30 մարդ), իսկ 145-ը՝ խոշոր (31 և ավելի մարդ): 2011 թ. համեմատ խանութների թիվն ավելացել է 588-ով, հիմնականում՝ գերփոքր և խոշոր:
Ազգային վիճակագրական ծառայության տվյալների համաձայն՝ անցած տարի մանրածախ առևտրի շրջանառությունը 2012-ին կազմել է 897 մլրդ 162.6 մլն դրամ, որից խոշոր խանութներին բաժին է ընկնում մոտ 64.5 %-ը (2011 թ. խոշորին բաժին էր ընկնում 56 %-ը), միջիններին՝ 6.2 %-ը (2011 թ.՝ 7.8 %), փոքրերին՝ 11.5%-ը (2011 թ.՝ 15.7 %), իսկ գերփոքրերին՝ 17.8 %-ը (2011 թ.՝ 20.5 %):
Ակնհայտ է, որ սուպերմարկետները կլանում են փոքր խանութներին: Եվ եթե գրանցված վիճակում փոքրերը դեռ շարունակում են թղթի վրա պաշտոնական ցուցակներում մնալ, փաստացի փոքր ու գերփոքր խանութները կամ փակվում են, կամ փակման եզրին են:
