Սինգապուրում բողոքի ցույցեր են տեղի ունեցել մինչև 2030թ. բնակչության 30 տոկոս աճի դեմ: Ցույցին մասնակցել է առնվազն 4000 մարդ: Այս մասին հաղորդում է Al-Lazeera հեռուստաալիքը: Փետրվարի 8-ին Սինգապուրի խորհրդարանը օրենք է ընդունել, ըստ որի՝ թույլատրվում է մինչև 2030թ. բնակչության քանակը հասցնել 6.9 մլն մարդու:
«Ես կարծում եմ, որ շատ սինգապուրցիների անհանգստացնում է այն փաստը, որ շեշտը դրվել է բնակչության աճի և ոչ թե կենսամակարդակի բարելավման վրա»,- նշել է տեղի համալսարաններից մեկի պրոֆեսոր Բրիջեթ Ուլեշը:
«Դուք չեք կարող հրավիրել օտարերկրացիների, որպեսզի նրանք մրցեն ձեր քաղաքացիների հետ, երբ դուք այնքան քիչ բան եք անում հասարակական օրենսդրության զարգացման համար»,- ասել է ցույցի մասնակիցներից մեկը:
