2013 թ. հունվարին միջազգային ուղևորահոսքերի բացասական մնացորդը (հանրապետությունից մեկնածների թվի գերազանցումը հանրապետություն ժամանածների թվին) նախորդ տարվա նույն ժամանակահատվածի համեմատ ավելացել է 2.8 հազարով և կազմել -7.0 հազար մարդ (օդային և ցամաքային բոլոր տեսակի տրանսպորտներով):
Միգրացիայի պետական գործակալության հրապարակած տվյալների համաձայն՝ 2013 թ. հունվարին ուղևորահոսքերի ընդհանուր ծավալը նախորդ տարվա նույն ժամանակահատվածի համեմատ ավելացել է 14.1 հազար մարդով կամ 5.5 %-ով և կազմել 269.7 հազար մարդ:
Օդային տրանսպորտով սահմանը հատած ուղևորների տեսակարար կշիռը ուղևորափոխադրումների ընդհանուր ծավալում կազմել է 44.4 %:
Նշենք, որ միայն օդային տրանսպորտով ուղևորափոխադրումների բացասական հաշվեկշիռը հունվարին կազմել էր 8 հազ. 425 մարդ: Տարօրինակ է, որ բոլոր տեսակի տրանսպորտներով ուղևորափոխադրումների բացասական հաշվեկշիռն ավելի քիչ է, քան միայն օդայինը, քանի որ արտագաղթողները, հատկապես՝ Ռուսաստան, առավել շատ մեկնում են ցամաքով: Ու տրամաբանորեն՝ ընդհանուր արտագաղթը պետք է շատ ավելի շատ լիներ, քան օդայինը:
