Թուրքական Hürriyet թերթի փոխանցմամբ, Խաղաղության խնդիրների ուսումնասիրության Ստոկհոլմի ինստիտուտը (SIPRI) պատրաստել է աշխարհի ռազմական ծախսերի վերաբերյալ զեկույցը:
Դրա համաձայն, 2010 թվականին Թուրքիայի ռազմական ծախսերի ցուցանիշը որոշակի անկում է արձանագրել` կազմելով 15 միլիարդ 364 միլիոն դոլար: 2009 թվականին Թուրքիայի ռազմական ծախսերը եղել են 16 միլիարդ 302 միլիոն դոլար:
Հիշեցնենք, որ թուրքական կողմն այժմ մտադիր է թուրքական բանակի անձնակազմը կրճատել նվազագույնը 30 տոկոսով, ինչը զգալի գումարներ տնտեսելու հնարավորություն կընձեռի (յուրաքանչյուր զինծառայողի վրա ծախսվում է 2243 թուրքական լիրա` ավելի քան 1400 ամերիկյան դոլար): Տնտեսված գումարներն էլ կհատկացվեն թուրքական զինված ուժերի սպառազինության արդիականացմանը:
