Չորս պաղեստինցի կանայք արհեստական բեղմնավորման ճանապարհով հղիացել են այն բանից հետո, երբ գաղտնիաբար ստացել են իրենց ամուսինների սերմնահեղուկը։ Այս մասին հաղորդում է La Vanguardia-ն:
«Նրանց ամուսինները դատապարտվել են երկարատև ազատազրկման՝ Իսրայելում»,- գրում է թերթը՝ նշելով, որ ցանկացած ուղիղ կապն այդ բանտարկյալների հետ արգելվում է:
Նաբլուսի հիվանդանոցն այդ կանանց անվճար բժշկական ծառայություն է մատուցել:
«Սա իրենց կյանքը հանուն հայրենիքի զոհաբերող պաղեստինցիներին մեր կողմից հատկացվող սոցիալ-հումանիտար օգնությունն է»,- ասել է հիվանդանոցի ղեկավար Սալեմ Աբու Հայզարան:
Բոլոր կանայք վստահ են, որ հղիացել են իրենց ամուսինների սերմնահեղուկից: Սակայն իսրայելական բանտային ղեկավարությունը նշում է, որ սեմնահեղուկի դուրս բերումը բանտից անհնար է:
