Ֆրանսիայում մի քանի մանրածախ խոշոր առևտրի կետեր վաճառքից հանել են շվեդական Findus և ֆրանսիական Comigel ընկերությունների կողմից մատակարարվող մթերքները: Ինչպես հաղորդում է BBC-ն, նման որոշման պատճառ է հանդիսացել տավարի մսի փոխարեն վաճառված ձիու միսը:
Ֆրանսիայի իշխանությունները խոստացել են մոտակա օրերի ընթացքում հետաքննություն անցկացնել:
Այն դեպքում, երբ Findus-ը հայտարարել է, որ պատրաստ է դատվել ֆրանսիական մատակարարների և մթերք արտադրողների հետ, որոնցում հայտնաբերվել է ձիու ԴՆԹ, Մեծ Բրիտանիան հրաժարվել է էմբարգո սահմանել ԵՄ-ի երկրներից ներմուծվող ապրանքների վրա: Նման կոչով հանդես էր եկել Մեծ Բրիտանիայի խորհրդարանի ազդեցիկ անդամներից մեկը:
Հիշեցնենք, որ ուրբաթ Մեծ Բրիտանիայում ծագել է մթերային նոր սկանդալ. Findus ընկերության տավարի մսով լազանյայում հայտնաբերվել է ձիու ԴՆԹ:
