adme.ru-ն ներկայացնում է անհանգստությունից առաջացած անքնության դեմ պայքարի հետաքրքիր մեթոդ։
Այս մեթոդն ամենից լավը կարելի է հիշել այն դեպքում, եթե այն անվանենք «4-7-8»։ Ահա այն ամենը, ինչ պետք է անել.
1. Չորս վայրկյանի ընթացքում քթով հանգիստ շնչել։
2. Շնչառությունը 7 վայրկյան պահել։
3. Դրանից հետո բերանով արտաշնչել 8 վայրկյան։
Շնչառական այս վարժությունը դանդաղեցնում է մեր սրտի աշխատանքը։ Դա շատ արագ է տեղի ունենում՝ ընդամենը մի քանի անգամ կրկնելու ընթացքում։
Ինչպես է դա աշխատում
Երբ դուք անհանգստանում եք, ձեր արյան մեջ ադրենալինի քանակը մեծանում է, և շնչառությունն արագանում է։ Իսկ շնչառությունը պահելը, դանդաղ արտաշնչելը դանդաղեցնում է նաև սրտի ռիթմը։
Այս մեթոդը հանգստացնում է նաև ձեր գիտակցությունը, քանի որ դուք անընդհատ ստիպված եք լինում հաշվել և կենտրոնանալ դրա վրա։ Այդ պահին դուք դա չեք գիտակցում, իսկ անհանգստության զգացողությունն անցնում է։
Որպես արդյունք՝ ձեր ամբողջ մարմինը հանգստանում է։ Արագության և արդյունավետության առումով այս մեթոդը նման է անեսթեզիային։
Եթե գիշերն արթնացել եք ու այլևս չեք կարողանում քնել կամ անհանգստացած եք որև պատճառով և տառապում եք անքնությամբ, փորձեք «4-7-8» մեթոդը, և այն կօգնի ձեզ։
