Ադրբեջանի նախագահ Իլհամ Ալիևը երեքշաբթի Կարսում հանդիպել է BP ընկերության գործադիր տնօրեն Ռոբերտ Դադլիի հետ: Այս մասին գրում է Trend-ը:
Հանդիպման ժամանակ կողմերը գոհունակություն են հայտնել Ադրբեջանի և BP-ի համագործակցության կապակցությամբ, այդ թվում` «Շահ Դենիզ» գազային հանքավայրի արդյունավետ շահագործման հետ կապված:
Ընդգծվել է նաև Թուրքիային «Շահ Դենիզ-2» նախագծի շրջանակներում 2018-ին 6 միլիարդ խորանարդ մետր ծավալով լրացուցիչ գազի մատակարարման կարևորությունը:
Հանդիպման ժամանակ նաև բավարարվածություն է հայտնվել այն կապակցությամբ, որ BP-ն TANAP նախագծի ներդրողներից մեկն է:
