Արևմուտքը Ռուսաստանին պետք է ավելի, քան նա՝ Արևմուտքին։ Այսպիսի պնդում է արել Մեծ Բրիտանիայի վարչապետ Դևիդ Քեմերոնը՝ փոխանցում է TASS գործակալությունը։
«Չեմ կարծում, որ կա ռազմական լուծում,- ասել է նա՝ անդրադառնալով Արևմուտքի և Ռուսաստանի միջև հարաբերությունների ճգնաժամին,- սակայն կա տնտեսական։ Այն կայանում է, կոպիտ ասած, նրանում, որ ԵՄ-ն և ԱՄՆ-ը միասին ունեն վիթխարի տնտեսական հզորություն։ Ռուսաստանը մեր կարիքն ավելի ունի, քան մենք՝ նրա։ Այդ իսկ պատճառով մենք պետք է այնպես անենք, որ մեր տնտեսական հարաբերությունների հզորությունը դեր խաղա»։
Եթե Ռուսաստանը շարունակի իր ներկա քաղաքականությունն Ուկրաինայի հանդեպ, նա չպետք է շահ ակնկալի, որն իր մեջ կրում է XXI դարում անդամակցությունն աշխարհում՝ ազատ առևտրի, տեղեկատվության և գաղափարների փոխանակության տեսանկյունից։
