Ինչպես է ալկոհոլն ազդում մարմնի և ուղեղի վրա

Երբ ալկոհոլն ընկնում է օրգանիզմի մեջ, լյարդը տուժում է, իսկ ուղեղը դժվարանում է նեյրոններից ազդակներ ուղարկել մկաններին:

Ի՞նչ է տեղի ունենում մեր օրգանիզմում այն բանից հետո, երբ ոգելից խմիչք ենք օգտագործում, և ինչպե՞ս նվազեցնել դրա բացասական ազդեցությունը: Ներկայացնում է lifehacker կայքը:

Բրիտանացի հոգեբույժ և նեյրոֆարմակոլոգ Դևիդ Նաթի կարծիքով` ալկոհոլն այն ամենավտանգավոր նյութն է, որը մարդն օգտագործում է, չէ՞ որ ալկոհոլի տարածվածությունը հասարակության շրջանում ավելի շատ է, քան ցանկացած այլ նարկոտիկ նյութի:

Ինչպես է ալկոհոլն ազդում մարմնի վրա

Ընդունած ալկոհոլի մոտ 20 տոկոսը գնում է ստամոքս, մնացած 80-ը` բարակ աղիք: Ալկոհոլի ավելի քան 10 տոկոսը դուրս է գալիս երիկամների և թոքերի միջոցով` մեզով և շնչառությամբ: Ալկոհոլից ամենամեծ հարվածը ստանում է լյարդը:

Ինչպես է ալկոհոլը վնասում լյարդը

Ալկոհոլի ազդեցության տակ լյարդը ենթարկվում է օքսիդատիվ սթրեսի: Քիմիական ռեակցիաների արդյունքում, որոնք ուղեկցում են ալկոհոլի դուրսբերումը, կարող են տուժել լյարդի բջիջները: Լյարդը կսկսի ինքն իրեն բուժել, ինչից կարող է բորբոքվել:

Ինչպես է ալկոհոլն ազդում ուղեղի վրա

Ուղեղի վրա ալկոհոլի ունեցած ազդեցության էությունն այն է, որ այն փոխում է նեյրոմեդիատորների մակարդակը. այստեղից էլ գալիս են արբածության նշանները:

Ալկոհոլ հաճախ օգտագործող մարդիկ սկսում են խնդիրներ ունենալ հավասարակշռության պահպանման և ողջամտության հետ:

Ինչպես նվազեցնել ալկոհոլի ազդեցությունը

Շատ ջուր խմել: Եթե մարդ պատրաստվում է ալկոհոլ ընդունել, դրանից առաջ պետք է սովորականից 1-2 լիտր ավել ջուր խմի:

Ուտել: Կուշտ ստամոքսը դանդաղեցնում է ալկոհոլի յուրացումը:

Չչարաշահել յուղոտ սնունդը։

Խուսափել գազավորված ըմպելիքից։

Պահել տեմպը՝ ժամում մեկ ոգելից ըմպելիք։