«Առաջին լրատվական»-ի զրուցակիցն է ԱԺ ՀՀԿ պատգամավոր Գագիկ Մելիքյանը:
-Պարո’ն Մելիքյան, Սերժ Սարգսյանը հանդիպումներ է ունենում խորհրդարանական և արտախորհրդարանական ուժերի հետ: Ինչո՞ւ ԱԺ ՀԱԿ խմբակցությունը չհրավիրվեց:
-Կարծում եմ՝ խորհրդարանական ցանկացած ուժի առջեւ, որը ցանկանում է հանդիպում ունենալ և քննարկել սահմանադրական բարեփոխումների հայեցակարգը, ճանապարհը բաց է` բոլորի համար, բայց քանի որ ՀԱԿ-ը ժամանակին և այժմ նույնպես հայտարարում է, որ քննարկումներից խուսափում է, չի ցանկանում մասնակցել քննարկումներին` նախապես հայտնելով իր կարծիքը, գտնում եմ, որ դա իրենց խնդիրն է:
-Բայց մի քանի շաբաթ առաջ Լևոն Տեր-Պետրոսյանը Սերժ Սարգսյանի հետ հանդիպելու պատրաստակամությամբ հանդես եկավ: Արդյոք այդ ուժը ցույց չտվե՞ց, որ ինքն էլ է պատրաստ հանդիպել, քննարկել:
-Մենք հասկացանք, որ հանդիպումը խնդրել էր այլ նպատակով, ինչպես բոլորդ ծանոթացաք բաց նամակի տեքստին, և Լևոն Տեր-Պետրոսյանը, ստանալով հանրապետության նախագահի պատասխան բաց տեքստը, այլևս չցանկացավ՝ ընդունելով, որ իր բաց նամակի պատասխանը ստացել է:
–Թեև ԲՀԿ-ն և «Ժառանգություն»-ն էլ արմատական դիրքորոշում էին հայտնում` սահմանադրական փոփոխությունների հետ կապված, այնուամենայնիվ, նրանց հրավեր եղավ: Սառույցը հալվե՞լ է:
–Կարծում եմ՝ սահմանադրական բարեփոխումների առումով այդ քաղաքական ուժերն իրենց կարծիքը հայտնել են, որ իրենք կարող են մասնակցել այդ քննարկումներին, բայց դեռևս երբեք չեն հայտարարել, թե իրենք ընդհանրապես ինչին են կողմ` բարեփոխումներին կողմ են, թե` ոչ, բայց քննարկումներին մասնակցելու` իրենց կարծիքը հայտնել են, և դրանով բնորոշվում է քաղաքական ուժի ցանկությունը:
–Պարո’ն Մելիքյան, կարելի՞ է ենթադրել, որ վերջին մեկ ամսվա ընթացքում տեղի ունեցածը, ոչ իշխանական եռյակի` այսօր արդեն չգոյությունը, ԲՀԿ-ի կազմաքանդումը հենց նպատակ ունեին արագացնելու ՍԴ փոփոխությունների իրականացումը:
-ՀՀ նախագահը ժամանակին հայտարարել է, որ սահմանադրական բարեփոխումների մասին իր կարծիքը կհայտնի փետրվար-մարտ ամիսներին: Իսկ ոչ իշխանական դաշտում հստակեցումը` որ այլևս այդ դաշտն ընդդիմադիր է, ոչ թե ոչ իշխանական կամ այլընտրանք, միայն դրականի մասին է խոսում:
Ավելին՝ տեսանյութում:
