Իրանական Khabar օրաթերթի փոխանցմամբ, Իրանի պաշտպանության նախարար Ահմադ Վահիդին կառավարության անձնակազմի՝ Քերմանշահ կատարած հերթական շրջագայության ընթացքում Փավե քաղաքում լրագրողներին հայտարարել է, որ Իրանում շուտով շահագործման կհանձնվի «Քրուզ» տեսակի հրթիռների արտադրության ձեռնարկությունը:
Իրանի պաշտպանության նախարարը լրագրողների հետ ունեցած զրույցի շարունակության մեջ նաև հայտարարել է. «Շուտով իրանական մի շարք նոր ձեռքբերումներ՝ հրթիռային, ռազմածովային, տիեզերական և էլեկտրոնիկայի ոլորտներում, շահագործման կհանձնվեն»։
