Իտալացի քանդակագործ և նկարիչ Պիտեր Դեմեցը հրաշալի ֆիգուրներ է ստեղծում փայտից, որոնք մտորումի պահին հավերժացված իրական մարդկանց տեսք ունեն: Այս մասին հայտնում է kulturologia.ru-ն:
Ֆիգուրների չափերը 50-130 սմ են: Դեմեցի ստեղծած յուրաքանչյուր քանդակում հնարավոր է տեսնել հագուստի ծալքեր, դեմքի կնճիռներ, մազափունջից դուրս պրծած մազեր:
Ոչ մի ֆիգուր չի «նայում» դիտողին. որոշների հայացքը սևեռված է ինչ-որ ուղղությամբ, որոշները գլխիկոր են:













































