Դանիայում ստեղծվել է Նորաձևության ինդուստրիայի գեղագիտական խարտիա, որը կոչված է վերջ դնելու չափազանց նիհար մանեքենուհիների հայտնիությանը, գրում է TASS-ը:
Այդ փաստաթուղը պարունակում է այն արժեքներն ու կանոնները, որոնցով պետք է ղեկավարվեն դանիացի մսդելները իրենց պրոֆեսիոնալ և առօրյա գործունեության մեջ: Այսուհետ ավելի շատ ուշադրություն է հրավիրվելու մանեքենուհիների սննդակարգին ու կենսակերպին:
Խարտիայի նախաձեռնողներից մեկը Դանիայի նորաձևության ինստիտուտի գլխավոր տնօրեն Եվա Կրուզեն է:
«Ժամանակն է վերջապես ինչ-որ բան ձեռնարկել, և մենք հուսով ենք՝ մեր պատրաստած փաստաթուղթը մարդկանց կստիպի մտածել ու գալ ճիշտ եզրակացության, թե ինչ տեսք ունի գեղեցիկ կազմվածքը»,- ասում է նա:
Ստեղծվել է ղեկավարող մարմին Դանիայում նորաձևությանը առնչվող հայտնի կազմակերպությունների ներկայացուցիչների մասնակցությամբ, որը հետևելու է նոր կանոնների պահպանմանը:
