Համաշխարհային ֆինանսական համակարգի համար առավել մեծ պոտենցիալ վտանգ է ներկայացնում ամերիկյան JPMorgan Chase & Co բանկը: Համապատասխան տեղեկությունն առկա է ԱՄՆ ֆինանսների նախարարության ներկայացրած հոդվածում, գրում է Lenta.ru-ն:
Փաստաթղթում նշվում է, որ 2013-ի արդյունքներով բանկն ունեցել է 5.05 տոկոս համակարգային ռիսկի ցուցանիշ: Երկրորդ տեղում է Citigroup-ը`4.27 տոկոսով, երրորդում 3.06 տոկոսով Bank of America-ն է:
Ցուցակում հայտնվել են ԱՄՆ 33 բանկ`ավելի քան 250 մլրդ դոլար ակտիվներով:
Համակարգային ռիսկը գնահատվել է այնպիսի գործոնների հիման վրա, ինչպիսիք են բանկի կառույցը, չափսը, միջազգային օպերացիաների ծավալը:
