Dropbox ծառայությունը 2 նոր գործառույթ է ավելացրել, որոնք կօգնեն արագությամբ աչքի անցկացնել ֆայլի պարունակությունը՝ առանց համացանցից ներբեռնելու անհրաժեշտության:
Max OS X-ում Quick Look-ին նմանվող առաջին նորամուծությունը վերաբերում է փաստաթղթերին: Դրա շնորհիվ օգտատերերը կարող են Dropbox ծրագրի ներսում բացել RTF, PDF, Microsoft Word (Doc 7 Docx) ,Power Point ձևաչափի ֆայլեր:
Երկրորդ նոր գործառույթը ցույց է տալիս բոլոր լուսանկարները: Օգտատերերը կկարողանան ընտրել մի քանի լուսանկար, լուսանկարչական ալբոմ կազմել և տեղադրել Facebook-ում, Twitter-ում և էլեկտրոնային փոստում:
2 նորամուծությունն էլ կկիրառվեն աստիճանաբար, մի քանի ամիսների ընթացքում,- գրում է CNET-ն:
