Փետրվարի 18-ին Ժամանակակից արվեստի թանգարանում տեղի կունենա ՀՀ վաստակավոր նկարիչ Աննա Հարությունյանի անհատական ցուցահանդեսը, որը կոչվում է «Եվ կյանքը սկսվեց» (And life started):
Ցուցահանդեսի համադրողն է Պիետրո Ֆրանեզին :
Ցուցահանդեսի բացումը՝ ժ. 18.00-ին:
Աննա Հարությունյանը ծնվել է 1976թ. Երևանում։ 1982թ. ընդունվել է Գեղագիտական դաստիարակության կենտրոն։ Մասնակցել է հանրապետական և միջազգային մանկական ցուցահանդեսներին, սովորել և ավարտել է Հ. Կոջոյանի անվան նկարչական դպրոցը։ 1994-ից եղել է Դուսելդորֆի գեղարվեստի ակադեմիայի ազատ ունկնդիր:
1997թ. ընդունվել է Գերմանիայի Դյուռեն քաղաքի Նորդ-Ռայն վեստֆալի Գեղարվեստի ակադեմիայի գեղանկարի բաժինը։ 2000թ. էքստեռն կարգով գերազանց ավարտել է ակադեմիան։
Աննա Հարությունյանը 1995-ից սկսած ունեցել է անհատական ու խմբակային մի շարք ցուցահանդեսներ։ 1997թ. Փուլհայմ քաղաքում կազմակերպված «Երիտասարդ առաջադեմ նկարիչներ» մրցույթում Աննա Հարությունյանը ճանաչվել է տարվա լավագույն արվեստագետներից մեկը։
1997թ. դարձել է Քյոլն քաղաքի նկարիչների միության անդամ (KUK), 2003-ից UNESCO-ի անդամ է: Աննա Հարությունյանի գործերը գտնվում են Գերմանիայի «Ժամանակակից թանգարանում» և Իտալիայի Վենետիկի Սուրբ Ղազարոս թանգարանում:
2013թ. մայիսի 24-ին արժանացել է ՀՀ վաստակավոր նկարչի կոչմանը:
