Թուրքիայի կառավարությունում կարևոր փոփոխություններ են տեղի ունեցել: Կառավարության կազմում են ներառվել վարչապետ Ռեջեփ Թայիփ Էրդողանի մի քանի մոտ զինակիցները, որոնք պետք է վերջ դնեն քրդերի հետ հաշտեցման ձգձգվող գործընթացին: Առաքելության հաջողությունը ծայրաստիճան կարևոր է վարչապետի համար՝ 2014-ի նախագահական ընտրությունների նախաշեմին: Այս մասին հայտնում է Kommersant-ը:
Թուրքիայի կառավարությունում փոփոխությունների մասին հայտնի է դարձել անցած շաբաթվա վերջին, երբ վարչապետը դրանք համաձայնեցրել է նախագահ Աբդուլլա Գյուլի հետ: Փոփոխությունների են ենթարկվել չորսնախարարություններ՝ ներքին գործերի, կրթության, առողջապահության, մշակույթի և զբոսաշրջության:
Վերջին շրջանում այդ գերատեսչությունների ղեկավարների դեմ հնչեցվել են ոչ քիչ հավակնություններ, հաճախ՝ հենց վարչապետի կողմից:
Փորձագետները հատուկ ուշադրություն են դարձրել ՆԳՆ ղեկավար, ուլտրաազգայնական հայացքներով Իդրիս Նաիմ Շահինի հեռանալու վրա:Նրա հայացքները լուրջ խոչընդոտ էին քրդերի հետ Անկարայի երկխոսության համար: Նրան փոխարինելու է եկել Մուամեր Գյուլերը, որը մինչ այդ ՆԳՆ ստորաբաժանում էր ղեկավարում: Հենց նրան է վերագրված բեկումը քրդերի հետ հաշտության հաստատման գործընթացում: Այդ խնդիրըԱնկարայի համար անլուծելիէ մնում արդեն 30 տարի: Հարցի կարգավորումը կմեծացնի նաև նախագահական ընտրություններում Էրդողանի հաղթանակի շանսերը:
Նշենք, որ անցած շաբաթ Թուրքիայի խորհրդարանը կողմ է քվեարկել դատարաններում քրդական փոքրամասնությանը մայրենի լեզվով խոսելու իրավունք տրամադրելուն:
