Երեկ ՕԵԿ նախագահ, Անվտանգության խորհրդի քարտուղար Արթուր Բաղդասարյանը «Ազատություն» ռադիոկայանին տված հարցազրույցում չի բացառել առաջիկա խորհրդարանական ընտրություններում կոալիցիոն գործընկերների հետ միասնական ցուցակով մասնակցելու հնարավորությունը։ Այս առթիվ այսօր ԲՀԿ ԱԺ պատգամավոր Գոհար Ենոքյանից «Առաջին լրատվական»-ը փորձեց իմանալ, թե ԲՀԿ-ն ինչպե՞ս է վերաբերվում այս հայտարարությանը: «Մեր դիրքորշումը պետք է մեր ղեկավարից հարցնեք»,-ասաց տիկին Ենոքյանը:
«Արթուր Բաղդասրյանի հայտարարությունը իր կուսակցության որոշելիքն է, ինչ ուզում է թող որոշի: Մեզ մոտ առայժմ այս թեման չի շոշափվում: Հետո թեթևսոլիկություն է, երբ ընտրություններին 1 տարի կա, բայց այս թեման շոշափվում է: Ընտրությունների օրը կգա, այդ թեթևսոլիկությունը կանցնի ու մեր կուսակցությունը կորոշի, թե ոնց է մասնկցելու ընտրություններին»,-ավելացրեց ԱԺ ԲՀԿ-ական պատգամավորը:
«Ես ժամանկից շուտ չեմ սիրում բախտորոշ բաներ ասել։ Կգա ժամանկը կորոշվի. խորհուրդ կլինի, քաղխորհուրդն ու լիդերը, ինչ համաձայնության գան` դա էլ կլինի: Կրկնում եմ` ես անհամեստ բաներ չեմ սիրում։ Դա անհամեստություն է»,-ավելացրեց Գոհար Ենոքյանը։