Օնտարիո նահանգի հարավ-արևելքում ձյան առատ տեղումների հետևանքով այս գիշեր տեղի են ունեցել 2 խոշոր ճանապարհատրանսպորտային պատահարներ` առնվազն 60 ավտոմեքենա վթարի է ենթարկվել: Այս մասին նշված է CTV News հեռուստաընկերության կայքում:
Ինչպես վկայում են դեպքի ականատեսները, Տորոնտոյից 80 կմ դեպի արևելք` գրեթե զրոյական տեսանելիության աստիճանում, բախվել են երկու ավտոմեքենաներ, որոնց բախումը դարձել է բազմաթիվ մեքենաների վթարի պատճառ:
CTV News-ի տեղեկություններով՝ վթարի հետևանքով Նյուտոնվիլից Նյուքասլ մայրուղու 10-րդ կիլոմետրանոց հատվածը մի քանի ժամով փակվել է:
Զոհերի մասին տեղեկություններ չկան: Հաղորդվում է, որ տուժել է 7 մարդ, որոնցից 3-ը ծանր վիճակով գտնվում են հիվանդանոցում:
