Հնդկաստանում ոստիկանության գործողությունները Բարաք Օբամայի այցի նախապատրաստության կապակցությամբ հաջողությամբ չեն ավարտվել: ԱՄՆ նախագահի պաշտոնական ընդունելության ժամանակ նախագահական պալատ բարձրաստիճան պաշտոնյաների մոտ է ներխուժել թափառական շուն՝ հաղորդում է India.com-ը:
Թափառող շան անակնկալ հայտնվելն իրարանցում է առաջացրել հավաքավծների շրջանում: Շատ լրագրողներ ծիծաղել են ու սկսել նկարահանել չորքոտանի կենդանուն: Անկոչ հյուրը կարողացել է հրավիրվածների շրջանում զբոսնել մի քանի րոպե, որից հետո անվտանգության աշխատակիցները նրան հեռացրել են տեսադաշտից:
Ավելի վաղ հաղորդվում էր, որ Բարաք Օբամայի այցը սկանդալ է առաջացրել, քանի որ ԱՄՆ-ի նախագահը ծամոն է ծամել հնդիկ վարչապետի հետ հանդիպման ժամանակ:
