Ֆրանսիայի ներքին գործերի նախարար Բեռնարդ Կազնևը հայտարարել է, որ Սիրիայի և Իրաքի տարածքում մարտական գործողությունների ընթացքում ոչնչացվել են ավելի քան 70 ֆրանսիացի ջիհադիստներ՝ փոխանցում է TASS գործակալությունը։
Նշվում է, որ ահաբեկչության դեմ պայքարի նոր օրենքի ընդունումից հետո Ֆրանսիայի իշխանություններն իրավունք ունեն առգրավել փաստաթղթերը և երկրից դուրս գալու արգելք սահմանել ցանկացած քաղաքացու նկատմամբ, ով մասնակցել է Սիրիայում և Իրաքում ռազմական գործողություններին։
Նախարարն ընդգծել է, որ այդ մարդիկ հոգեկան խնդիրներ ունեն և էլ ավելի մեծ վտանգ են ներկայացնում, քան մինչ մեկնելը։
Ավելի վաղ վարչապետ Մանուել Վալսը հայտարարել էր, որ իշխանությունները պետք է վերահսկեն ավելի քան 3000 մարդու, ովքեր ներգրավված են ահաբեկչական ցանցերում։
