ՌԴ արտգործնախարար Սերգեյ Լավրովը մտադիր է հանդիպում ունենալ ԱՄՆ փոխնախագահ Ջոզեֆ Բայդենի հետ փետրվարին Մյունխենում կայանալիք Անվտանգության համաժողովի ժամանակ: Ինչպես հայտնում է RIA Novosti-ն, այս մասին հայտարարել է Լավրովը Մոսկվայում կայացած մամլո ասուլիսին:
«Ես մտածում եմ, որ փետրվարին Անվտանգության համաժողովի ժամանակ կկարողանանք հանդիպել ամերիկյան պատվիրակության ղեկավարության հետ. այնտեղ է պատրաստվում մեկնել ԱՄՆ փոխնախագահ Ջո Բայդենը: Մենք անպայման պետք է խոսենք բոլոր հարցերի մասին, այդ թվում նաև` մեր հարաբերությունների ձևավորման»,- ասել է Լավրովը:
