Ուկրաինայի, Ռուսաստանի, Գերմանիայի և Ֆրանսիայի առաջնորդները կրկին անցկացրել են քառակողմ հեռախոսազրույց, որի ընթացքում քննարկել են Մինսկում ձեռք բերված պայմանավորվածությունների բոլոր կետերը, այդ թվում՝ Ուկրաինայի արևելքում կրակի դադարեցման մասին կետը կատարելու անհրաժեշտությունը: Այս մասին հաղորդվում է Ուկրաինայի նախագահ Պյոտր Պորոշենկոյի կայքում:
Իսկ Կրեմլի հաղորդագրության մեջ ասվում է, որ կողմերը «նորմանդական ձևաչափով» խոսակցության ընթացքում համաձայնվել են, որ Ուկրաինայի արևելքում կրակի դադարեցման ռեժիմն ընդհանուր առմամբ պահպանվում է:
Պորոշենկոն նաև ընդգծել է ուկրաինացի կին օդաչու Նադեժդա Սավչենկոյի ազատ արձակման անհրաժեշտությունը, որը Ռուսաստանում ձերբակալվել է ռուս լրագրողների սպանությանը մասնակցելու կասկածանքով:
Պորոշենկոն, Օլանդը, Մերկելը և Պուտինը պայմանավորվել են մի քանի օր անց շարունակել «նորմանդական ձևաչափով» հեռախոսային խորհրդակցությունները:
