Աֆղանստանի 16 խաղաղ բնակչի սպանության մեջ մեղադրվող ամերիկացի սերժանտ Ռոբերտ Բեյլսի մոտ ախտորոշել են հետտրավմատիկ սթրեսային խանգարում: Ինչպես տեղեկացնում է Reuters գործակալությունը, այս մասին հայտարարել է նրա քաղաքացիական փաստաբան Ջոն Հենրի Բրաունը: Փաստաբանը նաև հայտարարել է, որ Բեյլսը տարել է գանգուղեղային վնասվածք:
Քննության տվյալներով՝ 39-ամյա Ռոբետ Բեյլսը, որը Աֆղանստանում և Իրաքում մասնակցել է ռազմական գործողությունների, 2012-ի մարտին կրակ էր բացել աֆղանական երկու գյուղերի բնակիչներ վրա: Այդ գյուղերը գտնվել են Կանդահար մարզի ռազմաբազայի մոտ: Նրա գործողությունների հետևանքով զոհվել էր 16 մարդ, հիմնականում կանայք և երեխաներ:
Բեյլսին մեղադրում են 16 մարդու կանխամտածված սպանության ու ևս 6-ի նկատմամբ մահափորձ իրականացնելու մեջ:
Գործով նախնական լսումները ավարտվել են 2012-ի նոյեմբերին: Զինդատախազությունը Բեյլսի համար մահապատիժ է պահանջում:
