The Beatles խմբի նախկին անդամ, աշխարհահռչակ երաժիշտ Փոլ Մաքքարթնին Twitter-ի իր էջում կարճ անիմացիոն տեսահոլովակ է տեղադրել, որի գլխավոր հերոսը իր հանգուցյալ կինն է ՝Լինդան:
40-վայրկյան տևողությամբ տեսանյութում հնչում է Heart of the Country երգը: Լինդան՝ պարանոցին գցած իր լուսանկարչական խցիկով թափառում է վայրի և ընտանի կենդանիների շարքում, նրանց համար երաժշտական գործիքներ նվագում, ինչպես նաև կերակուր պատրաստում նրանց հետ և նրանց համար: Վերջին փաստը կարող է խոսել այն մասին, որ հոլովակը թողարկվել է ՝ հաջակցութուն Linda Maccartney Foods ապրանքանիշի ներքո արտադրվող բուսական սննդի նոր շարքի:
Փոլ Մաքքարթնիի կինը՝ լուսանկարիչ Լինդա Մաքքարթնին, եղել է կենդանիների իրավունքների պաշտպան և բուսակերության գաղափարի քարոզիչ: Նրա գրչին են պատկանում առանց մսի կերակուրների պատրաստման բազմաթիվ բաղադրատոմսեր: 1998 թվականին՝ նրա մահից հետո, Մաքքարթնիների ընտանիքը շարունակեց Լինդայի գործը: Այժմ նրա անվան ներքո թողարկվում է արագ պատաստման շուրջ 30 կերակրատեսակ: Ապրանքանիշի վերջին շարքը ներառում է բուսական համբուրգերներ, որոնք տեղ են գտել մուլտֆիլմում:
Heart of the Country երգը գրվել է Լինդայի և Փոլ Մաքքարթնիի կողմից 1971 թվականին և ընդգրլվել Ram ալբոմում:
