Մերեդիտ Քոուլզը և Յակոբ Նոտան ԱՄՆ Նյու Յորք նահանգի Բինգհեմթոնի համալսարանից պարզել են, որ մարդը ինչքան ուշ է պառկում քնելու, ավելի ենթակա է քնի հետ կապված խնդիրներ ունենալու: Հետազոտության արդյունքներն ավելի մանրամասնորեն ներկայացված են Cognitive Therapy and Research ամսագրում:
Գիտնականների փորձին մասնակցել է 100-ից ավել երիտասարդ, որոնց խնդրել են պատասխանել թեստի հարցերին և կատարել հատուկ մշակված համակարգչային առաջադրանքները: Արդյունքները ցույց են տվել, որ ինչքան ուշ է մարդը պառկում քնելու, այնքան հաճախ է նա ճնշված լինում և ավելի շատ բացասական մտքեր է ունենում օրվա ընթացքում:
Հետաքրքիր է, որ ուշ քնելը նույնպիսի ազդեցություն է ունեցել նաև այն մարդկանց վրա, որոնք իրենց «բու» են համարում և պնդում, որ իրենց հարմարավետ են զգում օրվա այդպիսի ռեժիմի դեպքում:
Հետազոտողները ենթադրում են, որ ճնշված-դեպրեսիվ վիճակը, որը բնորոշ է երկար քնել սիրողների համար, հետագայում կարող է վերաճել տագնապալի նևրոզի, մեծ դեպրեսիվ խանգարման, օբսեսիվ-կոմպուլսիվ համախտանիշի, նաև սոցիոֆոբիայի:
