Փետրվարի 18-ից հետո ՀՀ նախագահի պաշտոնը զբաղեցնողը պետք է լսի և հաշվի առնի գործարարների կարծիքը, ոչ թե ինչպես մեկ ամիս առաջ արեցին՝ հավաքեցին չինովնիկներին ու օրենքներ գրեցին: «Առաջին լրատվական»-ի հետ զրույցում նման տեսակետ հայտնեց Հայաստանի վաճառականների միության նախագահ Ցոլվարդ Գևորգյանը:
Նա հիշեցրեց, որ երբ Սերժ Սարգսյանը իշխանության եկավ, դեռ երդմնակալություն չէր եղել, հավաքեց գործարարներին, հետո մեկ անգամ էլ նման ժողով գումարվեց, և վերջ: «Լավ կլինի՝ այդպիսի հանդիպումները ավանդույթ դառնան: Նաև կարևոր է, որ ցանկացած օրենքի հիմքում դրվի դրա անհրաժեշտության տրամաբանությունը: Ոչ մի օրենքի հիմքում մենք դա չունենք: Իսկ նոր ընդունված ցանկացած օրենքի արդյունքները տարեվերջին պետք է քննարկվեն, ինչը մինչ օրս չի արվել»,- ասաց վաճառականների միության նախագահը:
