Գտնվել է նամակը, որը, ինչպես համարվում է, ոգեշնչել է գրող Ջեք Քերուաքին «Ճանապարհին» վեպը ստեղծելիս: Այդ նամակն անհետացել էր մի քանի տասնամյակ, և դա գրականության պատմության մեջ համարվում էր մեծագույն կորուստներից մեկը: Այս մասին գրում է The Telegraph-ը:
Քերուաքին հղված 18-էջանոց նամակի հեղինակը Նիլ Քեսիդին է եղել: Երբ գրողը կարդացել է նամակը, նա պատռել է «Ճամապարհին» վեպի սևագիրը և 3 շաբաթվա ընթացքում կրկին գրել այդ գործը:
Նշվում է, որ նամակը կորել է, երբ բանաստեղծ Ալեն Գինզբերգը այն կարդալու է տվել լողացող տնակում ապրող իր ընկերներից մեկին:
Այժմ նամակը վաճառքի է հանվել Profiles in History աճուրդում: Աճուրդի տանը նշում են, որ նամակը, ըստ էության, չի էլ կորել: Պարզվել է, որ Գինզբերգը փորձել է այն հրապարակել Golden Goose Press-ում, սակայն պարբերականը փակվել է: Golden Goose Press-ի սեփականատերը պատրաստվել է մի կողմ նետել փաստաթուղթն այլ նյութերի հետ, սակայն նույն գրասենյակում աշխատող անկախ երաժշտական լեյբլի ներկայացուցիչ Ջին Սփինոզան վերցրել է այդ թղթերը:
