Elle-ն ներկայացնում է 8 Beauty ապրանքանիշ, որոնք ստեղծել են հանրահայտ անձինք:
Բրազիլացի սուպերմոդել Ժիզել Բունդհենը ստեղծել է Sejaa քսուքների ապրանքանիշը: Քսուքների բաղադրությունում առկա են միայն բնական հակաօքսիդանտներ, բուսական թուրմեր և բնական յուղեր:
2009-ին Օրլանդո Բլումի նախկին կինը՝ Միրանդա Քերը, թողարկել է իր Kora Organics ապրանքանիշը: Քսուքները 98-99 տոկոսով բաղկացած են օրգանական նյութերից:
2011-ին ստեղծված Սալմա Հայեկի Nuance ապրանքանիշն առաջարկում է մարմնի և դեմքի մաշկի, մազերի խնամքի, ինչպես նաև շպարի համար նախատեսված միջոցներ:
Դրյու Բերիմորը կենտրոնացել է շպարի վրա՝ շրթներկեր, փայլեր և այլն: Ապրանքանիշն ունի վառ անվանում՝ Flower:
2014-ի փետրվարին Կլաուդիա Շիֆերը ոչ միայն նկարահանվել է Schwarzkopf ապրանքանիշի Ultîme մազերի խնամքի միջոցների գովազդում, այլև սկսել համագործակցել ընկերության հետ:
2011-ին ևս մեկ անգամ մայրանալով՝ Ջեսիկա Ալբան ստեղծեց The Honest Company տակդիրների հավաքածուն, ինչպես նաև թողարկեց միջոցներ՝ տան մաքրության համար, անձնական հիգիենայի պարագաներ և կոսմետիկ միջոցներ:
2014-ի գարնանը թենիսիստուհի Մարիա Շարապովան դարձավ Supergoop! մաշկի արևապաշտպան միջոցների ապրանքանիշի համասեփականատերը:
Իր Meaningful Beauty ապրանքանիշը Սինդի Քրոուֆարդը սկսել է թողարկել դեռևս 2004-ին:
