Եռաբլուր զինվորական պանթեոնում այսօր ՀՀ պաշտպանության նախարար Սեյրան Օհանյանի մասնակցությամբ ամփոփվեց Զորավար Սեպուհի աճյունասափորը:
Զորավար Սեպուհը՝ Արշակ Ներսիսյանը, հայ ազգային-ազատագրական շարժման գործիչ էր, ֆիդայի։ Եղել է Հնչակյան, հետագայում Դաշնակցություն կուսակցությունների անդամ։ Նա Մուրադ Սեբաստացու հետ հիմնադրել է հիմնադրամ, որի նպատակն էր նյութական օգնություն ցույց տալ Հայոց ցեղասպանության հետևանքով գաղթականներ դարձած հայ ընտանիքներին։ Եղել է Հայաստանի Առաջին հանրապետության պառլամենտի անդամ և ճնշել 1920թ. Մայիսյան ապստամբությունը։
Սեպուհի վերջին երազանքն այն էր, որ իր աճյունն ամփոփվի հայրենի հողում:
