2012թ. դեկտեմբերի լույս 31-ի գիշերը «Էրեբունի» բժշկական կենտրոնում ցմահ ազատազրկման դատապարտված Մանուկ Սեմերջյանի մահվան անմիջական պատճառն ըստ ամենայնի եղել է տրոմբների հետ կապված սուր բարդությունը: Այս մասին «Փաստինֆո»-ին հայտնել է «Էրեբունի» ԲԿ հասարակայնության հետ կապերի բաժնի ղեկավար Շուշան Հունանյանը:
Ըստ նրա, հիվանդը բժշկական կենտրոն է ընդունվել դեկտեմբերի 30-ին ծայրահեղ ծանր վիճակում, նախնական ախտորոշումն եղել է սուր որովայնային աղիքային անանցանելիություն, հիպոբոլեմիկ շոկ, երիկամային անբավարարություն: Անհրաժեշտ բոլոր նեղ մասնագետների զննումից և արյան ու գործիքային հետազոտությունից հետո որոշում է կայացվել շտապ վիրահատել նրան:
Վիրահատության ժամանակ պարզվել է, որ առկա է աղիքի ոլորում, որն ուղղվել է: Սակայն գիշերը հիվանդի վիճակը կտրուկ վատացել է, տեղի է ունեցել շնչառական կանգ, սիրտանոթային համակարգի ընկճում, և հիվանդը մահացել է:
