Ադրբեջանական Salamnews.org կայքի փոխանցմամբ, «Ադրբեջանի ազգային անկախություն» կուսակցության առաջնորդ Էտիբար Մամեդովը հայտարարել է, որ Ադրբեջանը պետք է ամեն ինչ ձեռնարկի` ԽՍՀՄ առաջին ու վերջին նախագահ Միխաիլ Գորբաչովին դատարան բերելու համար.
«Այլախոհ Վլադիմիր Բուկովսկին ձգտում է ամեն գնով հասնել Գորբաչովի ձերբակալությանը: Նա Գորբաչովին մեղադրում է 1980-1990-ական թվականների սահմանագծին Թբիլիսիում, Բաքվում ու Վիլնյուսում խաղաղ բնակիչների բողոքի ակցիաները ճնշելու մեջ:
Բուկովսկին դատական հայց է ներկայացրել լոնդոնյան դատարան, քանի որ Գորբաչովը ներկայումս բնակվում է հենց Լոնդոնում: Նրա հայցը մերժվել է, ինչի համար էլ Բուկովսկին պլանավորում է բողոքարկել այդ որոշումը:
Այն, որ այսօր Գորբաչովը կարող է կանգնել դատարանի առջև, շատ կարևոր է Ադրբեջանի համար: Ադրբեջանական ժողովուրդը պետք է իմանա, որ յուրաքանչյուր ոք, ով իր դեմ հանցանք է գործում, վաղ թե ուշ պատասխան է տալու իր արարքների համար` անկախ նրա գտնվելու վայրից ու ժամկետից:
Մենք ողջունում ենք Բուկովսկու գործունեությունը և շատ շնորհակալ կլինենք նրան, եթե նա կարողանա Գորբաչովին հասցնել դատարանի դռանը: Դա մեծ աշխատանք է, և իրականում դրանով պետք է զբաղվի ադրբեջանական կառավարությունը»: